【婆婆生辰快樂’2011】

早廿幾日book 定迪士尼Lunch buffect, 預祝婆婆60大壽, 三百幾蚊, 確實貴左D, 又唔想帶婆婆去樂園個邊, 行得辛苦, 食buffect 係最好不過. o益埋舅父仔, 我地成家就齊人喇 !

【不一樣之情人節๑2011】

一早同老公夾定今年情人節瞞住婆婆北上, 皆因婆婆會覺得我地掛住去wet 唔湊仔. 所以癈事解釋咁多, 就決定扮返工北上.

大大話話成2年無出過境lu, 佗B一年, 湊B一年. 老公最想揼骨, 而我最想睇吓D 窗簾家居材料. 用左幾個禮拜時間re-seach深圳邊度有家居廣場, 臨出發前一晚狂係個深圳地圖睇睇睇, mark 晒地區, 最後鎖定目標.

朝咁早起身, 預番時間出門, 屋企樓下正正村巴直到上水, 由於繁忙時間又唔想同人迫, 我地係上水搵間冰室嘆早餐再滋滋悠悠上去. 最樣衰過香港境, 拎住張回鄉証過e 道, 勁低能 ~~ 仲要比個好心男士見到, 提我用錯咭, 真瘀皮.

【新年快樂賀兔年】

上年既新年仲坐緊月既我, 家希仲未滿月, 又凍又濕既梗係無周圍去.

過左咁多年咁凍既新年, 今年終於暖番少少.

老公一如以住, 年三十晚半夜會出動跑花市, 賺吓外快. 所以成晩淨番我同家希二丁友. 由於mama 我病住過年, 半夜咳到痴肺, 已經唔多好瞓, 仲要家希周身扭,  papa又唔係度, 真係辛苦到要命.

由於年三十晚返左太爺太嫲食過團年飯, 所以整個初一邊度都無去, 靜靜留係屋企抖吓瞓吓. 

今年係第二年派利是比家希, 祝家希新一年健健康康, 快d長多d肉, 肥肥白白. 收到利是真係見牙唔見眼.

【最後一個虎年の晚上】

Mama 我病左成個禮拜仲未斷尾, 由喉嚨痛延變成咳. 真辛苦到極點 !! 但又幾驚野到家希.

好彩呢幾日個天暖番d 咋..

今日年三十, 公司收半Day, 忙左幾日, 終於收爐.

人地習慣年廿八洗邋遢, 而我就鐘意年三十晚用碌柚葉洗白白黎迎接新年.

收工拿拿林去花檔買番擇.

家希都唔例外要洗邋遢.

【新竇๑開始】

終於有屬於自己個竇, 雖然個竇好細, 但起碼唔駛每個月捱貴租. 成6千蚊既租金, 真係每個月流住血比囉.

不過要由大屋搬細屋, 真係有好多嘢煩.

由03年同老公搬左出黎住,直至而家都成 8年喇~ 計計埋埋d 租金都可以自己供層樓, 之不過無首期囉.

黎緊既日子, 就要煩搞間屋, 又要裝修, 而家D傢俬起碼有一大部份唔要, 由於間屋好細, 仲要塞我地3個大人 + 一個BB, 其實淨係我地2公婆+家希都OK, 之但係又要有人湊家希. 唉~

第時仲要大家你眼望我眼, 以前就話唔鐘意咪閂埋房門, 而家邊鬼匿埋.

如果家希快d可以入學就好, 放係學校等我收工再接番, 咪幾好...

呢度得個2個幾尺, 講真2大1細都可以接受.

【1001 Baby Birthday Party】

經舊同事介紹, 帶家希Join bb care搞既 ❶歲生日會. 又係類似 Playgroup gum 咁.

 

今次比上次試玩堂多人好多. 場會震撼, 由3點半至5點, 玩成個幾鐘. 好彩家希無怕生保而扭計咋 ! 可以鬆一口氣 !

好多bb仲已經識行添..不過家希仲未得囉....

 

每次講師講嘢, 呢個家希梗係好似好留心聽人地講嘢, 查實你係咪明人地講乜架?

 

【年年今日之感觸】

今日係爸爸新曆死忌.

突然心血來潮, 想回顧番由畢業離開讀書生涯直而家間發生所有事……

畢業後第一份工, Sogo past time sales 維持左半年,斷斷續續工作, 好討厭. 終於經Agent 搵到份 Full time Shipping, 但青衣返工, 好彩有公司車接送.

4年後被收購, 幸運地轉去大公司, 6年後公司要北移, 再一次幸運地轉部門直至而家, 年尾就10年喇 !

前度BF, 相識由ICQ起, 仲咁啱係住樓上樓下, 由佢一無所有直至同左我一齊, 順利投考差佬, 4年感情, 最終都係完結, 個陣覺得分手好痛.